جۆرج بوش دژی‌ هێرشی‌ تورکیایه‌ بۆسه‌ر هه‌رێمی‌ کوردستان"

ئاژانسه‌کان: وته‌بێژی‌ کۆشکی‌ سپی‌ ئه‌مه‌ریکا، ڕایگه‌یاند که‌ جۆرج بوش، سه‌رۆکی‌ ئه‌مه‌ریکا دژی‌ هێرشی‌ یه‌کلایه‌نه‌ی‌ تورکیایه‌ بۆسه‌ر هه‌رێمی‌ کوردستان. دان پرینۆ، وته‌بێژی‌ کۆشکی‌ سپی‌، وتی‌"حکومه‌تی‌ ئه‌مه‌ریکا، هێرشی‌ تورکیا بۆسه‌ر چه‌کداره‌کانی‌ په‌که‌که‌ به‌ چاره‌سه‌رێکی‌ باش نازانێت و پشتیوانیی‌ ناکات." وتیشی‌"ده‌بێت تورکیا به‌بێ‌ به‌کارهێنانی‌ توندوتیژی‌ ئه‌و مه‌سه‌له‌یه‌ چاره‌سه‌ر بکات." هه‌فته‌ی‌ ڕابردوو حکومه‌تی‌ ئه‌نجومه‌نی‌ وه‌زیرانی‌ تورکیا هێرشکردنه‌ سه‌ر هه‌رێمی‌ کوردستانی‌ به‌بیانوی‌ لێدان له‌ بنکه‌و باره‌ڤاکانی‌ په‌که‌که‌ی‌ په‌سه‌ندکرد.، بڕیاریشه‌ ئه‌مڕۆ سێشه‌ممه‌ په‌رله‌مانی‌ تورکیا دا بڕیار له‌سه‌ر ئه‌و مه‌سه‌له‌یه‌ بدات. أ.خ  کردی http://www.hawlati.com/