سه‌رۆک کۆماری ئێراق له‌گه‌ڵ رێبه‌ری ئێران کۆبوه‌وه‌

KTV . بێستون کاکه‌یی. پاش نیوه‌رۆی ئه‌مرۆ سێشه‌مه‌ به‌رێزجه‌لال تاڵه‌بانی، سه‌رۆک کۆماری ئێراقی فیدراڵ له‌گه‌ڵ عه‌لی خامنه‌یی رێبه‌ری کۆماری ئیسلامی ئێران کۆبوه‌وه‌. له‌م دیداره‌ که‌ شاندێکی ئێراقی و ئه‌حمه‌دینژادی سه‌رۆک کۆماری ئێرانیش ئاماده‌ی بوون، به‌رێز تاڵه‌بانی وتی: ده‌وڵه‌تی ئێراق په‌یوه‌ندی له‌گه‌ڵ ئێران وه‌ک پێویستیه‌ک ده‌زانێ و هه‌وڵی جدی بۆده‌دا.

به‌رێز تاڵه‌بانی هه‌روه‌ها وتی: ئیستا کێشه‌ی سه‌ره‌کی له‌ ئێراق نه‌بوونی ئه‌منیه‌ت و ئاسایش و چه‌کدار نه‌بوونی هێزه‌کانی پۆلیسه‌ له‌ ئێراق، به‌ جۆرێک که‌ له‌ هه‌ر پێنج پۆلیسی ئێراق ته‌نیا یه‌کێکیان چه‌کداره‌ و ده‌وڵه‌تی ئێراق له‌ هه‌وڵی چه‌کدارکردنی هێزه‌کانێتی بۆ رووبه‌رووبوونه‌وه‌ له‌گه‌ڵ تیرۆریستان.

له‌م دیداره‌دا عه‌لی خامنه‌ی پاش به‌خێرهاتنی تاڵه‌بانی و شاندی یاوه‌ری وتی: کۆماری ئیسلامی ئێران پشتیوانی حکوومه‌تی ئێراقه‌، پشتیوانی سه‌رۆک کۆمار و سه‌رۆک وه‌زیران و ئه‌نجوومه‌نی نوێنه‌رانی هه‌ڵبژێراوی خه‌لکی ئێراقه‌.

http://www.kurdistantv.net/niviseke.asp?ser=40&cep=1&nnimre=20903

http://www.kurdistantv.net/niviseke.asp?ser=40&cep=1&nnimre=20903